Hljómsveitin Eva
Miðvikudaginn 29. janúar kemur fram Hljómsveitin Eva, sem er skipuð þeim Völu Höskuldsdóttur og Sigríði Eir Zophaníasardóttur. Þær hafa getið sér gott orð fyrir tónlistina í Gullna Hliðinu hjá Leikfélagi Akureyrar og munu flytja lög úr verkinu í bland við annað frumsamið efni.
Tónleikarnir hefjast kl. 20:30 og er aðgangur ókeypis eins og alltaf á miðvikudagstónleikum Akureyrar Backpackers.
Framundan eru tónleikar DJ Flugvél og Geimskip, þann 5. febrúar og Hjörleifs Arnar Jónssonar þann 19. feb.
Allir tónleikar eru auglýstir á Facebook síðu Akureyri Backpackers og þar getur tónlistarfólk sem hefur áhuga á að koma fram haft samband.
