Rétt í þessu var verið að kalla út Björgunarsveitina Stefán í Mývatnssveit til að aðstoða bílstjóra sex bifreiða sem fastar eru í Námaskarði.
Björgunarsveitir eru nú að störfum víða um landið, þar á meðal Björgunarsveitin Þingey sem er á leið á Sprengisand þar sem ferðamenn sitja fastir í bíl sínum, björgunarsveitin Hérað á Egilsstöðum hefur í morgun sótt bíla í Vatnsskarð eystra og tvo á Fjarðarheiði. Í Vestmannaeyjum var er svo sveitin að störfum eftir að tilkynnt var að þakplötur væru að fjúka af íbúðarhúsi í bænum.
Slysavarnafélagið Landsbjörg ítrekar fyrir fólki að ganga tryggilega frá lausamunum í sínu nánasta umhverfi og vera ekki á ferðinni að nauðsynjalausu á meðan versta veðrið gengur yfir í kvöld og í nótt