Þó nokkur erill var hjá lögreglunni á Akureyri í nótt og nokkur ölvun. „Það var meira um að vera hjá okkur en hefur verið undanfarið en svo sem ekki mikið miðað við fjölda fólks sem var í bænum,“ segir lögreglumaður á vakt þegar blaðamaður heyrði í honum.
Karlmaður á þrítugsaldri var handtekinn vegna líkamsárásar í miðbænum en þrjá lögreglumenn þurfti til að ráða við manninn sem veitti harða mótspyrnu. Maðurinn missti stjórn á sér og var ekki viðræðuhæfur vegna neyslu fíkniefna að sögn lögreglunnar. Líkamsáraásin var ekki alvarleg að mati lögreglu en maðurinn var viti sínu fjær lengi eftir að hann hafði verið fluttur í fangaklefa. Ekki liggur fyrir á hvaða efnum maðurinn var.
Skemmdarverk voru unnin á bíl sem sparkað var og kýlt í.
Alls gista nú fimm í fangageymslu eftir nóttina, tveir karlar og þrjár konur. Einn vegna aðildar að skemmdarverki og þrír vegna ölvunar. Sá yngsti í klefa lögreglunnar er 16 ára gamall en viðkomandi gat ekki staðið í fæturna sökum ölvunar. Aðrir eru á tvítugs- og þrítugsaldri