Landsmót skáta verður sett á Hömrum við Akureyri sunnudaginn 20. júlí næstkomandi. Á laugardaginn fer hins vegar fram svokölluð Landsmóts-upphitunardagskrá fyrir eldri skátahópa, þ.e. skáta á aldrinum 16-22 ára.
Af því tilefni hafa nú nokkrir skátar að sunnan ákveðið að hjóla langleiðina til Akureyrar. Hjólreiðahópurinn óð yfir Norðlingafljót í gær og gisti um nóttina við Arnarvatn. Í dag hjólar hópurinn svo áfram niður að Laugarbakka í Miðfirði. Um er að ræða ungmenni úr skátafélögunum Árbúum og Garðbúum en með þeim í för eru tveir fylgdarmenn.
Hópurinn fyrir brottför. Mynd af vef BÍS.
Ferðin hefur gengið að mestu áfallalaust fyrir sig en greint var frá því á vef Bandalags íslenskra skáta í gær að demparar eins hjólsins höfðu gefið sig á ferð og umræddur skáti hafnaði utan vegar. Hann hélt hins vegar ferðinni áfram með hópnum – á nýju hjóli.
- EMI
