Foreldramorgnar eru alla miðvikudaga í Akureyrarkirkju
Akureyrarkirkja stendur fyrir foreldramorgnum í safnaðarheimili sínu á miðvikudögum. Foreldramorgnar eru alla miðvikudaga yfir vetrartímann (september-maí), frá kl. 10.00 – 12.00, í Safnaðarheimili kirkjunnar.
Á foreldramorgnum er reynt að hafa notalega stund og búa til góða samveru fyrir foreldra og ungbörn. Þarna gefst nýbökuðum foreldrum gott tækifæri til að hittast og spjalla og leyfa börnunum að leika sér og hitta önnur börn. Umsjón með foreldramorgnunum er í höndum sr. Hildar Eir Bolladóttur, sem er vikulegur pistlahöfundur á Akv.is
Aðgangur að foreldramorgnunum er ókeypis og eru foreldrar með ungabörn hjartanlega velkomnir.
Á facebook síðu Akureyrarkirkju segir að á morgunn, miðvikudaginn 2. apríl, mun heimsækja foreldramorgun hún Svava Ingimarsdóttir stílisti. Mun hún mæta til að veita foreldrum útlitsráðgjöf.
