Þór/KA leikur við Þrótt í kvöld
Kvennalið Þór/KA fær Þróttara í heimsókn á Þórsvöll í kvöld og hefst leikurinn klukkan 18.00
Þetta er fyrsti leikur liðsins eftir tapið í bikarúrslitunum síðastliðna helgi en þar biðu Akureyrar-stúlkurnar lægri hlut gegn Breiðablik.
Töluverður munur er á Þór/KA og Þrótti í Pepsi-deildinni en Þróttarar eru í neðsta sæti og hafa aðeins unnið einn leik það sem af er sumri. Þór/KA er í 6. sæti deildarinnar með 17 stig og eru Þróttarar sýnd veiði en ekki gefin.
Síðast þegar þessi lið mættust, þá á Valbjarnarvelli, unnu Þór/KA 4-1 sigur. Leikurinn í kvöld hefst, eins og áður sagði, klukkan 18.00 á Þórsvelli.