Fíflahátíðin verður haldin á Lamb Inn Öngulsstöðum laugardaginn 21. júní.
Dagskráin hefst með Haushlaupi kl. 10 þar sem hlaupið verður frá Lamb Inn og upp á Haus. Á milli kl. 14-16 fer fram söngkeppni barna auk þess sem hljómsveit Hrafnagilsskóla spilar, en hljómsveitin tók m.a. þátt í SAMFÉS-keppninni síðastliðinn vetur. Að auki flytja nemendur úr Hrafnagilsskóla atriði úr söngleiknum Grease, haldið verður froðuboltamót 3 á 3 og Galleríið á Teigi heldur tískusýningu.
Auk þess verður haldin skottsala. Fólk er hvatt að tæma geymsluna í bílinn og sjá hvort einhverji falli ekki fyrir því sem aðrir féllu fyrir á sínum tíma. Boðið verður upp á kaffi, lummur og smákökur yfir daginn.
Um kvöldið verður svo veitingastaðurinn Lamb Inn formlega opnaður með lambalærishlaðborði milli kl. 18-21. Eins og segir á vef Eyjafjarðarsveitar verður lifandi tónlist undir borðum en það verða ungtenónarnir Birgir björnsson, Arnar Árnason og Gísli Rúnar Víðis sem syngja við undirleik Reynis Schiöth. Borðpantanir eru í síma 463-1500.
- EMI