Keilir útskrifaði nítján manns af Háskólabrú í staðnámi á Akureyri 5. júní síðastliðinn. Athöfnin fór fram í Samkomuhúsinu. Boðið hefur verið upp á námið í samstarfi við SÍMEY á Akureyri undanfarin fjögur ár og segja skipuleggjendur náminu hafa verið afar vel tekið af Norðlendingum. Nú hafa tæplega 70 einstaklingar lokið Háskólabrú í staðnámi á Akureyri.
Dúx að þessu sinni var Sigurlaug Hauksdóttir með 8,88 í meðaleinkunn. Hjálmar Árnason, framkvæmdastjóri Keilis, var viðstaddur útskriftarathöfnina og ávarpaði viðstadda. Auk þess flutti Stefanía Rós Stefánsdóttir, einn útskriftarnema, ræðu fyrir hönd hópsins.
Meðfylgjandi eru myndir frá útskriftinni í síðustu viku:
Útskriftarhópur 2014
Hjálmar Árnason ávarpaði samkomuna
Stefanía Rós Stefánsdóttir ávarpaði gesti fyrir hönd nemenda
- EMI