SA Víkingar fögnuðu íslandsmeistaratitlinum sl. vor
Íshokkí-tímabilið er að fara af stað í kvöld og eru margir bæjarbúar spenntir fyrir því. Fyrsti leikur tímabilsins hjá ríkjandi Íslandsmeisturnum, SA Víkingum, er heimaleikur og hann er af stærri gerðinni. Björninn kemur í heimsókn.
Það voru einmitt Björninn og SA sem áttust við í úrslitarimmunni í fyrra en þar höfðu Akureyringar betur í oddaleik á Akureyri. Björninn á því harm að hefna og verður gaman að fylgjast með vetrinum í vetur.
Þónokkrar breytingar hafa orðið á leikmannahópi SA en meðal annars hafa þeir misst markvörð sinn, Ómar Smára Skúlason. Þeir hafa þó einnig styrkt sig með tveimur erlendum leikmönnum.
Leikurinn hefst í kvöld klukkan 19.40 í Skautahöllinni á Akureyri.
-SMS
siguroli@akv.is