Hallgrímur (lengst til hægri) ásamt systkinum sínum.
Söfnunin handa Hallgrími heldur áfram. Nú hafa um 70 manns lagt verkefninu lið en söfnunarféð verður notað til þess að útbúa öruggt leiksvæði fyrir Hallgrím heima hjá honum. Söfnunin stóð í rúmum 50.000 krónum í gærkvöldi en stendur nú í rúmum 230.000 krónum.
„Ég varð bara agndofa áðan þegar ég sá stöðuna – mér finnst þetta ótrúlegt,“ segir Heiðrún. „Nú eru auk þess nokkrir aðilar búnir að bjóðast til þess að gefa vinnu sína við að setja leiksvæðið upp,“ bætir Heiðrún við og er þeim sem lagt hafa verkefninu lið afskaplega þakklát. „Ég geri ráð fyrir að undirbúningur leiksvæðisins hefjist eftir helgi. Fyrsta mál á dagskrá verður að koma öllum efnivið á staðinn“, segir Heiðrún að lokum.
- EMI