Innbæingur: Það eru 85% líkur á að þú byrjir á föstu með Fjölni Þorgeirs í vikunni.
Brekkusnigill: Það fýkur alveg hrikalega í þig á fimmtudaginn. Fyrir vikið hlýtur þú mar á lærið og glóðurauga á mjöðmina.
Þorpari: Þú ákveður að binda ekki niður trampólínið áður en ofsaveðrið skellur á, þar sem þú ætlaðir hvort eð er að færa það yfir í bústað.
Eyrarpúki: Appelsínuhúðin á þér hefur aldrei truflað þig fyrr en þú hittir lítinn krakka í sturtuklefa Sundlaugar Akureyrar á þriðjudaginn sem kallar þig stanslaust Eva.
Grímseyingur: Þér er farið að förlast.
Hríseyingur: Einhverra hluta vegna ákveður þú að labba í Bónus. Þú fattar þegar niður á bryggju er komið að hugmyndin er fáránleg.
Utanbæjarmaður: Þú eyðir allri vikunni í að sannfæra Akureyringa um að það hafi víst rignt þrjá daga í röð á Akureyri áður. “Hvað með síðasta Pollamót?” segir þú. “Afhverju helduru að þetta heiti pollamót?” segir hann á móti með allt annari áherslu á ellin.
