Þessi kona er í dirndl
Föstudaginn 27. og laugardaginn 28. september verður haldin Októberfest á Akureyri en það er Akureyri Backpackers sem stendur fyrir henni. „Við ætlum að taka Októberfest á Akureyri upp á hærra plan!,“ segir Gísli Björgvin hjá Akureyri Backpackers. „Við ætlum að tjalda fyrir utan staðinn og koma upp alvöru Oktoberfest stemmingu innandyra sem utan, með bavarískri tónlist, fugladansinum og þýskum mat“.
Matseðillinn samanstendur af Bratwurstpylsum með kartöflusalati og súrkáli, pretzel og októberbjór í merktri könnu sem er til eignar. „Sætapláss er takmarkað og nauðsynlegt er að panta sæti í síma 571-9050 eða í tölvupóst, akureyri@backpackers.is“
„Fólk er hvatt til að mæta í lederhosen og dirndl og ekki skemmir týrólahattur fyrir!“
-SBS
